Ekzaminimi I plotË dhe inspektimi periodik i ashensorëve

UNICERT është e akredituar nga Drejtoria e Përgjithshme e Akreditimit si organ inspektues, Tipi A sipas
ISO / IEC 17020 për inspektimin e ashensorëve të:
‍
a) Pasagjere
b) Mallra

Ekzaminimi i plotë i ashensorëve nënkupton një ekzaminim sistematik dhe të detajuar të ashensorit nga një Organ i Miratuar me qëllim të përmirësimit të sigurisë së ashensorit në një nivel të pranueshëm, identifikimit të rreziqeve serioze që mund të kërkojnë ndërhyrjen e menjëhershme, si dhe identifikimin e përmirësimeve të cilat duhet të bëhen për të rritur nivelin e tij të nevojshëm të sigurisë.

Ekzaminimi i plotë i ashensorëve është i detyrueshëm për të gjithë ashensorët që janë në përdorim për herë të parë deri më 31.12.2009. Periudha midis ekzaminimeve të mëvonshme  nuk mund të kalojë gjashtë (6) vjet për ashensorët e instaluar në një vend pune dhe dhjetë (10) vjet për ashensorë është instaluar në godinë ose vendbanim shtëpiak.

Inspektimi periodik i ashensorëve përfshin një seri ekzaminimesh dhe ka për qëllim të kontrollojë funksionimin e duhur të veçorive të sigurisë së ashensorit dhe të zbulojë çdo defekt që shfaqet gjatë përdorimit ose keqpërdorimit të tij. Perioditeti është çdo vit kur ashensori është i instaluar në godinë ose vendbanim shtëpiak dhe çdo gjashtë (6) muaj kur ashensori është i instaluar në vendin e punës.